اصعب حاجه في الدنيا انك تموت بالبطيء
ولا حد يحس بيك وكأني الدنيا فاضيه من حواليك
اصعب حاجه انك تشعر بعدم الاهتمام من اغلى الناس
والاصعب انك تطلبه لانه لو حصل هيكون مجامله وواجب مش اكتر
لكن هو ده حالنا وبالاخص حالي انا معاكي يا دنيا
بتركبيني المركب وترميني في اي حته
وياريتك يا دنيا بترميني على البر
لكن في وسط البحر بتحدفيني
علشان تقدري بعد كده يا دنيا تصطاديني
حرام والله حرام
ينعدم فيك يا دنيا الاحساس
قدرتي يا دنيا عليه وغلبتيني رغم انك امرأه عجوز ضعيفه
لكنك بالبشر اللي فيكي اويه اوي
بقى كل شيء في الدنيا غالي الا الانسان بقى بأرخص ما يكون
حتي الاحساس والحب والاهتمام هنشتريه بفلوس
موتيني خلاص
ولا حل معاكي الا الموت
ياريت يتغير قلبي ويقسى علشان يعيش
ياريت يتبدل جواياه الاحساس ويموت